Sanctus Adalbertus Episcopus

Praesul Adalbertus, Pragensi pulsus ab Urbe.

   Rege sub hoc nobis utilis exul erat:

Utilis exemplo, doctrina maximus omni

   Vir laude: a vera quae pietate venit.

Legnicolas adiit Prussos, si forte vocari

   Ad Christi per eum gens ea posset iter.

Spretus, barbaricae iugulum dat forte macherae.

   Sacrificat ripam dum super ossa tuam.

Exanimum corpus Rex dura a gente redemtum,

   In Patria sacro fecit honore coli.

Quam sit eo dignus, per tot miracula, per tot

   Signa docet iudex ad sua busta Deus.