Quid me Graium hominem atque egressum Nestoris annos,

Septennem ut puerum, peregrina vocabula vultis

Discere Romanasque imitari voce loquelas?

Hanc operam potius raucis impendite corvis,

Picarumque magis docile est genus. Anne ego, qui nec

Principe Romani eloquii Cicerone magistro,

Nec praeeunte meo mihi Caesare proficere hilum

Quivi unquam, nunc Hispano aut doctore Britanno,

Sauromataque adeo discam faborque Latine?