<2.>

 

VOTUM1

 

Non aurum optavi, neque clausas moenibus urbes,

Nec quas Thebarum dixit Homerus opes.

Sed magis ut dulci spument mihi pocula Baccho2,

Nectar inexhausto sufficiente cado.

Potantique hilaris, Bromii3 non osor, amicus

Assideat; vitem rustica turba colat.

Has ego divitias et amavi, et semper amabo,

Nec sceptra invideo, cum phialam teneo4.

 

transkrypcja: Albert Gorzkowski