<15.>

 

IN BACCHUM1

Laeti merum bibamus

Bacchumque concinamus,

Bacchum, patrem choraeae,

Et cantilenae amicum.

Bacchum, sodalem Amoris,

Charissimum Cytherae,

Per quem ioci ac lepores

Et temulentia orta est;

Per quem molestiae omnes,

Et cura dormit acris.

Pulchre ergo temperatos

Praebent scyphos ministri2;

At mistus irretentis

Angor fugit procellis.

Vino ergo recreemur,

Curasque ne moremur:

Quid quaeso enim in dolore

In lachrymisve fructi est,

Cui fas futura scire est?

Incerta vita nostra est.

Potus volo choraeas

Ductare, odoribusque

Large fluens iocosis

Saltare cum puellis.

Per me licet volenti

Maerere semper; at nos

Laeti merum bibamus

Bacchumque concinamus.

 

transkrypcja: Albert Gorzkowski