<69.>

 

AD TORQUATUM

 

Tunc hilares inter solus, Torquate, recumbes

            Maestus et ipse tuum cor taciturum edes?

Tunc fugies solus certamen dulce Lyaei1,

            Solus Apollinea non capiere lyra?

Fallor an ingratae succurunt facta puellae2

            Et tibi non aequus pectora mordet Amor?

Noli dissimulare. Venus me non sine plagis

            Perdocuit, ne sim vestro in amore rudis.

Nec deprendendi tantum (modo consule) morbi,

            Sed curandi etiam credo me habere modum.

Optandum aut nunquam incipere, aut desistere nunquam;

            Est mel cum incipimus, fel, ubi desinimus3.

 

transkrycja: Jakub Niedźwiedź