<71.>

 

AD GALLAM

 

Dum regnat Bacchus1, Baccho dum pulchra Dione2

            Atque ultro volucer se comitem addit Amor3,

Dum fidium cantus et tibia personat aures

            Tuque videre oculis, Galla, venusta meis.

Quam potes errorem hunc auge neque tetrica sertis

            Ornari aut cytharae tangere fila fuge.

Cras, mihi crede, dies eadem iam non erit et tu

            Longe alia, immo et heri non ea visa mihi es4.

 

transkrypcja: Jakub Niedźwiedź