<115.>

 

STAN<ISLAI> HOSII1 CARDINALIS MANIBUS

 

Si fas cuiquam esset vitare Acherusia templa2

            Et Stygio3 nunquam velificare lacu,

Paucos inter, Hosi, qui sint hoc munere digni,

            Ipse vel in primis annumerandus eras.

Cuius quando parem pietas habitura fidesque est,

            Tutandaeque ardens relligionis Amor4?

Occidit exemplar morum et virtutis imago

            Divini interiit fons sacer eloquii5.

Scripta6 perhennabunt, ope quorum tu quoque, magne,

            Omnia victurus secla videris, Hosi!

 

transkrypcja: Jakub Niedźwiedź