<43.>

 

IN NATALEM REGIUM1

 

Hic te, Auguste, dies materna excepit2 ab alvo,

Et lucis fecit participem aethereae,

Ut cum accessisset primae vigor ille iuventae,

Invicta gereres regia sceptra manu.

Et tibi serviret, quidquid sicca aspicit Arctos3

Albim inter pigras atque Maeotis aquas4.

Dii faciant, haec lux redeat tibi prospera semper,

Et venias clari serus in astra poli.

 

transkrypcja: Albert Gorzkowski