<5.>

 

IN PUELLAS VENETAS1

 

Quotquot in Adriacis fuerunt Nereides2 undis,

Vel potius toto quotquot in Oceano,

Omnes deduxit Venetam Neptunus3 in urbem,

Conspicitur vasto nulla puella mari.

Hic saga est Circe4 miserorum pestis amantum,

Hic Syren nautis insidiosa canit.

Ut loto abstineas, ut noxia pharmaca vites,

Ceraque auriculas cautus ut usque linas,

Immo obsurdescas: oculis nisi captus, Ulisse, es,

Captus es, et forma moly5 tuum illud hebet.

 

transkrypcja: Albert Gorzkowski