<23.>

 

EPITHAPHIUM N<OBILIS> CRETCOVII1

Hic te, Cretcovi, mors et tua fata manebant,

Dum tu omnes terras, et dum maria omnia circum

Perlustras, nullo defessus membra labore.

Te rapidus Ganges, gelidique Borysthenis unda,

Te Tagus, et Rhenus, te ripa binominis Istri2,

Et septemgemini viderunt ostia Nili3.

Nunc concessisti magnum visurus Olympum,

Aethereasque domos, ubi diis immistus inanes

Et curas et spes hominum lamentaque rides.

 

transkrypcja: Albert Gorzkowski