<105.>

 

AD CROCALIM

 

Dulces sunt1 ficus, pyra dulcia, dulcia poma,

            Mel dulce, dulce est saccharum.

Suavis adoratu ros est maris et rosa suavis

            Suavisque opobalsami halitus.

Nec pyra, nec ficus, nec sunt tam dulcia poma,

            Nec saccharum aut mellis liquor,

Nec rosa odoratu est tam suavis, rosve marinus,

            Fragransve anima opobalsami,

Quam tua dulcia sunt, Crocali, rosea ista labella,

            Quam suave suavium est tuum2.

 

transkrypcja: Jakub Niedźwiedź