<10.>

 

AD ANDREAM PATRICIUM1

 

Nemo est, quem cupiam magis videre,

Quam te, mi Patrici, dolore in isto,

Qui me nunc coquit acriore flamma,

Quam quae Trinacria2 aestuat sub Aetna.

Quare, si quid amas meam salutem,

Ne me spe reditus tui usque et usque

Defraudes, precor, aut tu enim mederi,

Aut nemo poterit meo dolori,

Qui me nunc coquit acriore flamma,

Quam quae Trinacria aestuat sub Aetna.

 

transkrypcja: Albert Gorzkowski