<56.>

 

AD IBYCUM

 

Heri (nisi illud somnium

Credam fuisse), heri, Ibyce,

Inter bibendum dixeras:

Cras, Iane mellitus, volo

Coenes apud me; assentior

Tibi, culinaeque interim

Indico, et ollis ferias.

Nunc, o sceleste, nunc meas

Acerbus aures nunctius,

Ventremque adeo ipsum perculit.

Frigere nimirum focum,

Coenaeque nullam spem dari,

Convivii oblito patre.

Memorem, inquit, odi combibam,

Sermo vetustus: certe ego

Obliviosum odi magis.1

 

transkrypcja: Albert Gorzkowski