AD LYCEN1

ODE VII2.

 

Dum fortuna tibi prosperior, dum placidus, Lyce,

Aspiraret amor, dum facies aemula liliis

Certaretque rosis3; deliciis omnibus affluens

Usus te facili est ille tuus Demochares: neque

Nostri te interea cura subiit vel minima, ut fores

Porrectum ante tuas4 respiceres, et misere Notis5

Enectum pluviis in tepido calfaceres sinu.

Nunc postquam Venus et perfuga Amor castra alio movent6,

Et rugis faciem longa dies asperat invidis7

Dilectamque Lycen Demochares negligit improbus,

Ultro accersimur, ultro expetimur. Scilicet ut satur

Ructet carnem alius, reliquis pascar ego ossium.

 

transkrypcja: Elwira Buszewicz