IN VILLAM1  PRAMNICANAM2

ODE X.3

 

O villa celsis aemula4 turribus,

Quas ad rapacis  flumina Vistulae

            Sceptris Polonorum potitus,

                        Martigena5 aedificasse Cracus6

Fertur, benigni villa Matheovii7

Erecta sumptu, nunc dominum parem

            Hero priori nacta, magni

                        Miscovium8 columen senatus,

Salve: laborum perfugium, parens

Tranquilitatis, pax animi, quies

            Molestiarum, mater otii,

                        Hospitiumque novem sororum.9

Dotale pratum Chloridos10 aureae,

Quod nec perennes deficiunt aquae,

            Nec flabra pernicis Favonii11

                        Aethereos moderantis aestus.

Tuis amicis fontibus et tuo

Secessu amoeno longum utinam tuus

            Herus fruatur, vividamque

                        Sustineat vegetus senectam.

 

transkrypcja: Elwira Buszewicz